أهلا بك صديقي الباحث في مقال جديد و مهم جدا لطلبة الدراسات العليا من الماجستير و الدكتوراه. دايما بنسمع إن الماجستير و الدكتوراه بيكون فيهم شغل إحصاء و لكن البعض معندوش تصور الموضوع بيتم ازاي.

أول حاجة لازم تعملها انك تتواصل مع حد عنده خبره في الإحصاء بعد تحديد عنوان الرسالة، علشان الشخص ده هيساعدك تحسب حجم العينه بشكل صحيح و هيعرفك ايه التحليلات الإحصائية المطلوبة للإجابة علي السؤال ده و هينظملك الشيت اللي هتبدأ تجمع فيه الداتا علشان تتجمع بشكل صحيح.

بعد كدا، تعمل التجربه بتاعتك و تجمع الداتا و النتايج بتاعتك، بعدها لازم تعرف ان الإحصاء للشغل بتاعك غالبا بينقسم لشقين:

الشق الأول: التحليلات الوصفية، يعني بعض الاختبارات كدا بتتم علشان توصف النتايج اللي جمعتها، زي مثلا المتوسط و الانحراف المعياري و غيره.

فمثلا لو جمعت الداتا من ٣٠ مريض، هتقدر تعبر عن متوسط اعمار ال٣٠ مريض في كلمة واحدة و كمان مدي تنوع الداتا بتاعتك عن طريق الانحراف المعياري و المدي و غيره.

الشق الثاني: التحليلات الinferential او اللي بنستخدم فيها العينة بتاعتنا علشان نعبر بيها علي المجموعة الأكبرري الصوره اللي تحت كدا.

و ديه بتكون شويه تحليلات إحصائية مختلفة زي مثلا الT-Test, ANOVA, Corrolation, Regression و هكذا.

مهم إنك تختار شخص احصائي عنده خبره علشان أغلب المبتدأين حاليا بيستخدموا الذكاء الاصطناعي و بالرغم من انه بيطلع نتايج الا انه ساعات كتيره جدا بيعمل حاجة اسمها الlogical error أو بمعني تاني أي داتا هتديهالوا هيطلعلك نتايج، و لو قولتله اعمل تحليل احصائي لاي حاجة هيعملها بدون حتي الاهتمام بالافتراضات السابقة للتحليل الاحصائي و بدون التفكير المنطقي عن الترابط ما بين المتغيرات و علاقتهم ببعض.

لو عايز تتعلم الإحصاء الحيوية بشكل مبسط تقدر تتفرج علي السلسلة الجميلة ديه:
Biostatistics Basics Series 101 - سلسلة أساسيات الإحصاء الحيوي

و لو عايز مساعدة في التحليلات الإحصائية بتاعتك تقدر تبعتلنا سؤالك علي الواتس هنا