أهلا بك صديقي الباحث في مقال جديد و مهم جدا هتتعلم فيه بكل بساطة الفرق بين الأنواع المختلفة من الريفيوهات العلمية.

في ٣ أنواع هنتكلم عنهم زي اللي في الصوره تحت دول 👇

ول حاجة اسمها ال Narrative review و ساعات بيقولو علىه الliterture review و ده بكل بساطة ريفيو مقالي وصفي بتجمع فيه مجموعة من الدراسات و تلخصهم و تتكلم عنهم و تنتقدهم.

النوع التاني اسمه systematic و خليني اكتبلك النطق بتاعه بالعربي علشان في ناس بتنطقه غلط "سيس تي ماتك". يعني ممنهج، يعني ريفيو زي الأول و لكن يتبع منهج محدد تم تحديده بشكل مسبق، او بمعني اخر، لابد من اتباع مجموعة من الخطوات لكتابة الريفيو ده. الصورة ديه فيها ملخص بسيط للخطوات 👇

عايز اركز هنا على نقطة بسيطة، و هي ان الريفيو الأول مفيهوش ميثودولوجي أو خطوات انما بيتم كتابه المحتوي بشكل مباشر، انما الريفيو ده لازم تكتب كل خطوة عملت فيها ايه. يبقي لو عايزين نفرق بينه و بين الريفيو الأول نبص على جزء الميثودولوجي.

النوع التالت و هو الميتا انالسيز، و ده نفس خطوات السيستيماتك ريفيو و لكن بيكون فيها جزء احصائي متعلق بالأرقام و اتجاه التأثير. يعني الفرق بينه و بين السيستيماتك هو ان ده فيه أرقام و تحليلات إحصائية، و اللي أهمها الرسمه اللي تحت ديه و اللي اسمها الforest plot .

يبقي لو هنلخص المقال ده في جملة واحدة هيكون الاتي:

• الliterature review هو ريفيو وصفي بدون خطوات مسبقة.
  
• الsystematic review هو ريفيو أيضا وصفي ولكن بخطوات مسبقة تم الاتفاق عليها عالميا.
  
• الmeta analysis هو سيستمياتكك ريفيو و لكن ملحق به بعض التحليلات الإحصائية زي الforest plot و هكذا.
  

عايز تتعلم كتابتهم خطوة بخطوة، هتلاقي سلسلة كاملة على القناة بشرح فيها المحتوي كامل:
Play all Systematic Review & Meta-Analysis Course

عايز تتفرج على دورات تدريبية مفصلة عن الموضوع شوف الرابط ده

عايز نساعدك في خطوة من خطوات الريفيو، ممكن تبعتلنا على الواتساب